A-2

A-2 Autovía do Nordeste
Tipoloxía	Autovía
Rede	Rede de estradas do Estado
Ruta europea
Lonxitude	780 km
Localización
Inicio	Madrid
Fin	Le Perthus (Francia)

A Autovía do Nordeste ou A-2 (antes chamada Autovía de Aragón) é unha das seis autovías radiais de España e comunica Madrid con Le Perthus pasando por Guadalaxara, Zaragoza, Lleida, Barcelona e Xirona entre outras localidades. É parte da E-90 da Rede de Estradas Europeas.

Esta vía canaliza, servíndose do tramo La Jonquera - Barcelona da Autovía do Mediterráneo, en gran medida o tráfico procedente dos puntos de Europa que se sitúan ao leste dos Pireneos e que se dirixe principalmente ao centro da Península Ibérica incluíndo Portugal. Mentres que, por outra banda, a Autovía do Norte é o mellor acceso á Península desde o oeste do Pireneo.

Ademais da súa importancia como vía de entrada á península desde o resto de Europa, a A-2 ten un protagonismo vital entre as estradas españolas ao ser a comunicación entre as dúas principais cidades do país: Madrid e Barcelona.