ABBA

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	Estocolmo, Suecia
Estilo	Pop, dance y disco.
Ocupancia	{{{Ocupancia}}}
Instrumentos	{{{Instrumento}}}
Tiempo	1972 - 1982
Discograficas	{{{Discografica}}}
Relacionau con	{{{Artistas_relacionaus}}}
Pachina web	www.abbasite.com
Miembros
Anni-Frid Lyngstad Benny Andersson Björn Ulvaeus Agnetha Fältskog

ABBA estió un grupo sueco de musica pop formato por Björn Ulvaeus, Benny Andersson, Agnetha Fältskog y Anni-Frid Lyngstad (Frida). A suya musica yera de gran calidat y interpretoron grans exitos como Mamma Mia, SOS, Dancing Queen, Voulez-Vous, Chiquitita u Thank you for the music, entre os mas conoixitos. Permaneixioron en activo dende 1972 dica 1982, encara que sobretot estioron reconoixitos mundialment dende l'anyo 1974, cuan ganoron o XIX^eno Festival d'Eurovisión con o tema Waterloo.

Los cuatro miembros formaban dos matrimonios, manimenos, en a cima d'a suya popularidat, toz dos matrimonios se disolvioron y estes cambios se reflectoron en a suya mosica, en escribir letras mas profundas con un estilo musical diferent. L'agrupación experimentó un declive comercial y finalment decidioron deseparar-se, de traza que en aviento de 1982 realizoron la suya zaguera aparición como ABBA. Dimpués d'un tiempo alpartaus d'a musica y poco interés d'o publico per a suya musica, en o decenio de 1990 lo lanzamiento de cuantos albumes recopilatorios y lo suyo musical Mamma Mia! facioron posible lo suyo torno a la cima d'as listas de popularidat.

ABBA ye agora un d'os grupos mas exitosos, con vendas estimadas de mas de 350 millons d'as suyas produccions musicals entre singles y álbums, la suya mosica ha estau interpretada per cuantos artistas reconoixius y tamién ye la base d'o musical Mamma Mia!. L'agrupación ye un icono en o suyo país d'orichen, amás d'una figura important en a expansión d'o europop. Asinas, la suya popularidat ubrió las puertas internacionalment a atros artistas europeus, una d'as razons per las cualas ingresoron a lo Salón d'a Fama d'o Rock.

En setiembre de 2021 y dimpués de cuasi cuaranta anyos d'a suya deseparación, lo grupo anunció lo suyo torno con dos cancions nuevas tituladas I still have faith in you y Don't shut me down, que forman parte d'o suyo zaguer disco, Voyage. Lo grupo realizó una chira de conciertos virtuals en l'anyo 2022.