Back Akbar die Grote AF ታላቁ አክባር AM Akbar AN अकबर ANP جلال الدين أكبر Arabic جلال الدين أكبر ARY اكبر الاعظم ARZ আকবৰ AS Akbar AST अकबर AWA
Dr Jalaluddin Muhammad Akbar (persisch جلال الدین محمد اکبر – Ǧalāl ad-Dīn Muḥammad Akbar; * 15. Oktober 1542 z Umarkot, Sindh; † 27. Oktober 1605 z Agra) isch noch sim Vater Nasir ud din Muhammad Humayun Groossmogul vo Indie worde und het vo 1556 bis 1605 gherrscht. Er gältet näben em Ashoka as äine vo de bedütendste Herrscher in dr Gschicht vo Indie. Er isch au e hervorragende Diplomat und Militärstrateeg gsi und het eso mit ere Politik vo religiöser Toleranz im Dialog mit Verdräter vo de wichdigste Glaubensrichdige sini Gebiet chönne erwitere. Dr Akbar het as erste Mogul-Herrscher e Hindu ghürootet, e Rajpute-Brinzässin us Amber und het d Sonderstüüre für Nit-Muslim abgschafft. Er het mit sinere Hürootspolitik die lokale Fürste an sich bunde und es effiziänts Stüürsüstem iigfüert.