Al-Ghazali

Dr Abū Hāmid Muhammad ibn Muhammad al-Ghazālī (arabisch أبو حامد محمد بن محمد الغزالي‎, DMG Abū Ḥāmid Muḥammad b. Muḥammad al-Ġazzālī; persisch ابو حامد محمد غزالی‎; latiinisch Algazel; * 1058 z Tūs bi Maschhad; † 19. Dezämber 1111^[1]) isch e persische islamische Theoloog, Filosoof und Müstiker gsi.

Dr Ghazali gältet bis hüte as äine vo de bedütendste religiööse Dänker im Islam. Iim isch z verdanke, ass die aristotelischi Logik und d Syllogistik in die islamischi Jurisprudänz und in d Theologii iigfüert worde isch. In sinere Filosofii het er e religiöös motivierte Skeptizismus verdräte, wo d Woorhäite vom Glaube und vo dr Offebaarig mit de Middel vom filosofische Zwiifel gegen e Woorhetsaaspruch vo dr Filosofie verdäidigt het. Uf dr äinte Site wird er drfür verantwortlig gmacht, ass d Filosofii im islamische Oste undergange isch im Gegesatz zum islamische Spanie, wo si ufblüet het, uf dr andere Site het er d Theologii widerbeläbt.

1. ↑ Griffel (2009) S. 58.