Al-Musayfirah

Al-Musayfirah
المسيفرة
by
Land	Syria
Guvernement	Daraa
Distrikt	Daraa
Nahiyah	Al-Musayfirah
Høgd	550 moh.
Koordinatar	32°37′56″N 36°20′19″E / 32.6322°N 36.3386°E / 32.6322; 36.3386
Folketal	10 466  (2004)[1]
Tidssone	EET (UTC+2)
Al-Musayfirah 32°37′56″N 36°20′19″E / 32.6322°N 36.3386°E / 32.6322; 36.3386
Kart som viser Al-Musayfirah.
Wikimedia Commons: Al-Musayfirah

Al-Musayfirah (arabisk المسيفرة, òg skrive Mseifreh eller Musayfra) er ein by sør i Syria i Daraa guvernement, som ligg aust for Daraa og 37 kilometer søraust for Damaskus. Av stader i nærleiken finn ein Kahil i sørvest, al-Jiza i sør, al-Sahwah i søraust, 'Ara i aust, Umm Walad i nordaust, al-Karak i nord, al-Ghariyah al-Sharqiyah i nordvest og Saida i vest. Al-Musayfirah har eit areal på 7,05 hektar.^[2] I følgje Syrisk statistisk sentralbyrå har al-Musayfirah eit folketal på 10 466 i 2004. Han er det administrative senteret i al-Musayfirah nahiyah («underdistrikt») som består av fire stader med eit samla folketal på 32 473 i 2004.^[1] I nyare tid har folketalet vorte estimert til kring 13 600 i 2009.^[2] Den største familien er al-Zu'bi-klanen (al-Zoubi).^[3]

Al-Musayfirah tente som senter for Sufi-ordenen al-Qadiriyyah i den osmanske og franske tida. Byen er kjend for det store slaget mellom den franske hæren og drusar-opprørarar under det store syriske opprøret i september 1925. Dei fleste innbyggjarane vart tvungen ut eller drepne av dei franske styrkane anten før eller under slaget.

Byen er i stor grad avhengig av pengar sende frå familiemedlemmar som arbeider i Gulfstatane. Desse utvandrarane har fått bygd fleire offentlege plassar og bygg i byen. Jordbruk er hovudnæringa og oliven er den viktigaste avlinga. Kveite, bygg og forskjellige grønsaker vert òg dyrka. Klimaet er generelt moderat med milde vintrar og særs varme somrar.

1. ↑ ^{1,0 1,1} Folketeljing 2004 Arkivert 2013-01-12 ved Archive.is. Syrisk statistisk sentralbyrå (CBS). Daraa guvernement. (arabisk)
2. ↑ ^{2,0 2,1} Hashshish, Safaa. Al-Musayfirah: A Name Linked to the Struggle. E-Daraa. E-Syria. 2009-04-19.
3. ↑ Abu Nukta, Mutasim. Al-Musayfirah. E-Daraa. E-Syria. 2009-08-07. (arabisk)