Alnus

Alnus
Alnus glutinosa
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Betulaceae Chenero: Alnus

Os alvernices^[1] (cientificament, o chenero Alnus) son un chenero d'árbols de fuella caduca en a familia d'as betulacias.

O chenero contiene arredol d'una trentena d'especies d'árbols y arbustos con distribución monoica d'os sexos (ixo ye, que cada eixemplar produce flors d'os dos sexos) anque la mes gran parte d'os eixemplars no gosan arribar dica la mida d'árbols. As especies que se clasefican en o chenero Alnus, a la contra d'el que en altros cheneros emparentatos pasa, como Carpinus (os carpins) u Corylus (as avellaneras), no se troban so que en l'hemisferio norte si que puede trobar-sen en tot o planeta. En a Peninsula Iberica no se troba so que la especie Alnus glutinosa, l'alverniz europeu.

En Aragón, as especies d'este chenero se conoixen como "alvernices", anque o lexicografo y naturalista semontanés Rafel Vidaller diz en o suyo libro O Libro d'as Matas y os Animals (Zaragoza, 2004) que se conoix una variant d'o termino latín «alnus» como «alno» y dica «auno»,^[2] anque ixa cita la fa d'un altro autor anterior sin poder-se-ne dar garra lugar de procedencia d'ixa forma tan peculiar. A denominación en aragonés alverniz puet estar en relación con a denominación en catalán ye vern, que se deriva dreitament d'o galo vernos.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (an) VIDALLER TRICAS, Rafael; O Libro d'as Matas y os Animals; Dizionario aragonés d'espezies animals y bechetals; Ed. Bal de Onsera. Zaragoza, 2004. ISBN 978-84-89862-35-7