Aloy

An mga aloy ^[1](Ingles: termite, white ant; sa epipamilyang Termitoidae ) sarong klaseng insekto na nag'eerok sa daga' asin may halangkaw na organisasyon sosyal sa pag'aataman sa sadiri ninda asin pagpadakula kan mga ogbon kaini. An mga ini may piling mga taga-ogbon, may mge trabahador asin mga soldados na bantay. Ini nabubuhay sa pagkakan nin mga papel, mga naglalapang mga tinanom orog na an kahoy kaini, mga alang na ramog, daga mismo o odo nin mga ibang hayop. Sa ginagaom na 4,000 na species an 10% kaini makuri an pagratak bilang peste sa mga katatamnan, sa mga edipisyo asin kaharongan. Sinasabi na sa taksonomiya, mga 2,600 na species an midbid pa sana.

An aripompon kaini pwedeng ginatos na ribo asin aboton pang milyon. Kaya kaini laboton asin ubuson an mga hariging kahoy maski matagas arog kan hamòrawon asin yakal, asin nakakalabot pa ngane sa semento.

1. ↑ aloy, Vocabulario de la lengua bicol p. 21