Back Ndebele AST Ndebele (Südafrika) German Southern Ndebele people English Ndebeloj EO Ndebele Spanish दक्षिणी न्देबेले लोग HI Zuid-Ndebele (volk) Dutch Ndebele Polish Andebeles Portuguese Ндебеле (народ в ЮАР) Russian
AmaNdebele sitjhaba sabantu abakhuluma isiNdebele esinabantu abalinganiselwa eengidini ezimbili. Inengi lawo lihlala esifundeni seMpumalanga, kodwana amanye atjhabalele eemfundeni zoke zeSewula Afrika. Aziwa ngobukghwari bokugwala ephasini loke zombelele (njengombana uDorh. Esther Mahlangu aba livulandlela lubukghwari bokugwala bekube nje), izembatho neengubo zawo ezihle ezinemibala ekhanyako.
Abanye bacabanga bona imvelaphi yamaNdebele isemaHlubini. Lokhu kubonakala ngobufakazi belimi phakathi kwelimi lesiNdebele nesiHlubi. Kunamagama amanengana akhona esiNdebeleni akhona nelimini lesiHlubi. Ngokwesibonelo, amagama anjengokuthi, "sela", "fumana", "ekhabo", njll, begodu womabili amalimi la ayandondoza. Okhunye okufuze kutjhejwe kukobana amaNdebele weSewula Afrika awafani namaNdebele weZimbabwe. Nanyana abosomlando baveza bona iinqhema ezimbilezi zakhe zahlangana esikhathini esithileko, kodwana umsuka wazo awufani.[1]
Izembatho zabo bazikhakhazisa ngazo begodu nomgwalo wabo ubahlukanisa kuhle nabasesitjhabeni esinye.