Ankh

An ankh (/ˈæŋk/ or /ˈɑːŋk/; Ehipto: IPA: [ʕaːnax]; U+2625 ☥ or U+132F9 𓋹), simbolong pigrerepresentar "buhay" o hinangos nin buhay, o susi kan Nilo, crux ansata (Latin, sarong krus na may kakaptan). An mga diyos-diyos kan Ehipto parati pinapahiling may darang ankh nakasulok sa moro' o may pugol kaini sa lambang kamot, o may kapot nin siring sa duwang kamot na nakakurumo' sa daghan. Haros pirmi ining nakakaptan o kataid nin diyos-diyos sa panteon nin Ehipto asin man sa mga representasyon kan Faraon. Ini tinutubod na simbolo nin antigong pluralismo relihiyoso kun saen an gabos na mga sekta inaako' an sarong komun na istorya nin buhay na eternal asin masabi pa na ini an literal na kahulogan kan simbolo.^[1][2]

An simbolong ankh lakop-lakop nanggad mala ta nakukua sa mga kinotkot, bako sanang sa ehipto, kundi sa harayong Mesopatamia asin Persya asin patin sa selyo kan hadeng biblikal na si Hezekiah.

1. ↑ http://www.egyptianmyths.net/ankh.htm Kinua 20-10-16
2. ↑ http://www.ancientegyptonline.co.uk/ankh.html Kinua 20-10-16