Ariyetta

Ariyetta (italyancha: „arietta“ — kichik ariya) – 1) kichik ariya, odatda 2 qismli shaklda sodda bayoni va kuyining qoʻshiqsimon harakteri bilan ajralib turadi^[1][2]. Masalan, M. Yusupovning „Xorazm qoʻshigʻi“ operasidagi Bahor Axi;

2) XVIII asr birinchi yarmi fransuz operasidada capo ariyasi, italyancha matnga aytilgan. Italyan operasida sahna voqealari rivojiga bogʻlanmaganligi bilan ariyadan farqlanadi, divertismentda faqat „kiritilgan“ nomer sifatida ishlatiladi;

3) fransuz hajviy operasida – xalq ruhidagi yakkaxon ashula (ariya)si. Baʼzan, ariyetta nomi cholgʻu asarlarga nisbatan ham ishlatiladi. Masalan, Boris Giyenkoning fortepiano uchun „Bolalar albomi“dagi ariyetta.

1. ↑ I. A. Akbarov. Музика луғати. Toshkent: Gʻafur Gʻulom nomidagi Adabiyot va sanʼat nashriyoti, 1987. 
2. ↑ I. A. Akbarov. Мусиқа луғати. Toshkent: Oʻqituvchi nashriyoti, 1997 — 384-bet. ISBN 5-645-02422-2.