Arquivolta

Una arquivolta (de l'italiano archivolta)^[1] ye, en Arquitectura, como se denomina a cadaguna d'as molduras u pilars que forman un conchunto d'arcos concentricos que decoran a frontera d'un edificio en enmarcando un vuedo, que gosa estar o vuedo a on se i troba la puerta de dentrada en o dito edificio. Asinas cadaguna d'as arquivoltas que forman o conchunto van reducindo la suya amplaria contra mas se penetra en a paret de l'edificio, amostrando asinas con ixo un efecto d'abocinamiento que permite ufrir una sensación de profundidat a tot o conchunto.

Ye un elemento decorativo amplament emplegau en l'arte romanico y en l'arte gotico, encara que no ye un elemento decorativo exclusivo d'istos dos estilos artisticos.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.