Arvernorix

De Mercurius Arvernus, aimol au Arvernorix, isch de Name vomene römerzittliche Gott, wo möglicherwiis vo de Kelte und de Germane vereert woren isch. De Name isch Gallisch und bidütet »Arverner« bzw. »Arvernerkönig«. Allerdings isch bis hüt usem Piet vo de Arverner nume ananzigi Ischrift, wo em GENIO ARVERN (Puy-de-Dôme) gwidmet isch, gfunde wore. Ali andere Inschrifte stamet us de Provinz Germania inferior und de Decumates agri. Er isch mit em römische Gott Mercurius gliichgsetzt wore. De Altoor us Roermond zaigt en mitem Caduceus und emene Geldbüttel, belgaitet werd er vomene Gaissbock und emene Güggel.