Assur

Assur, Aššur
Amerikaanse soldate bewaak die ruïnes van Assur in 2008.
Plaaslike naam	آشور
Land	Irak
Soort	Nedersetting
Geskiedenis
Gestig	Omstreeks 2600-2500 v.C.
Tydperk	Vroeë Bronstyd-14de eeu n.C.
Kulture	Assiries
Unesco-wêrelderfenisgebied
Tipe	Kultureel
Kriteria	iii, iv
Verwysing	1130
Inskripsie	WHS
Streek†	Arabiese State
Beskrywing*	Ashur (Qal'at Sherqat)
† Streek soos deur Unesco geklassifiseer. * Naam soos op die Wêrelderfenislys

Assur (Akkadies: Aššur, "Asjsjoer"; Aramees: Ātûr; Hebreeus: אַשּׁוּר; ook bekend as Qal'at Sherqat en Kalah Shergat) is die ruïnes van ’n stad uit die Nieu-Assiriese Ryk. Dit is op die westeroewer van die Tigrisrivier in die hedendaagse Irak geleë.

Die stad was bewoon van die middel 3de millennium v.C. tot die 14de eeu n.C., toe Tamerlane die inwoners laat uitmoor het. Assur was ook die naam van die hoofgod van die stad. Hy is beskou as die hoogste god in die Assiriese panteon en die beskermer van Assirië.

Die terrein is ’n Unesco-wêrelderfenisgebied, maar word van 2003 af as bedreig beskou weens onrus in die gebied en ’n voorgestelde dam wat deel van die terrein sal oorspoel. Dit is sowat 64 km suid van die voormalige Nimrod en 96 km suid van Nineve.