Asteroids

Asteroids
Xogo de Asteroids
Desenvolvedor(es)	Atari, Inc.
Distribuidora(s)	Atari, Inc.
Deseñador(es)	Lyle Rains Ed Logg Dominic Walsh
Lanzamento	Arcade: novembro de 1979
Xénero	Tirador en dirección múltiple
Modos de xogo	Un xogador e multixogador
Plataforma(s)	Arcade e varios
Na rede
http://atari.com/arcade#!/arcade/asteroids/
[ editar datos en Wikidata ]

Asteroids é un videoxogo arcade de tiros no espazo que foi lanzado en novembro de 1979^[1] por Atari, Inc. e deseñado por Lyle Rains, Ed Logg e Dominic Walsh. O xogador controla unha nave espacial nun campo de asteroides que periodicamente é atravesado por discos voadores. O obxectivo do xogo é disparar e destruír os asteroides e os discos evitando colidir con eles e os disparos inimigos. O xogo incrementa a súa dificultade conforme medra o número de asteroides.

Asteroids foi un dos meirandes éxitos da Idade de Ouro dos arcades. O xogo vendeu máis de 70 000 máquinas recreativas, sendo moi popular entre os xogadores e moi influente nos desenvolvedores de videoxogos. Dende entón, foi adaptado a múltiples plataformas. Asteroids foi amplamente imitado e influíu directamente en xogos como Defender,^[2] Gravitar, e moitos outros.

1. ↑ Atari, ed. (1999). "Production Numbers" (PDF). Arquivado dende o orixinal (PDF) o 10 de maio de 2013. Consultado o 19 de marzo de 2012. 
2. ↑ Imagine Publishing, ed. (outubro de 2008). "The Making of Defender" (55): 34–39.