Atlanta

Atlanta
Siigel	Faane
D Laag in Georgia
Basisdate
Gründig:	1847
Staat:	USA
Bundesstaat:	Georgia
Countys:	Fulton County DeKalb County
Koordinate:	33° 45′ N, 84° 23′ W33.756944444444-84.390277777778320Koordinate: 33° 45′ N, 84° 23′ W
Zitzone:	Eastern Standard Time (UTC−5)
Bevölkerigsdichti:	0 Iiwohner je km²
Flechi:	343 km² (ca. 132 mi²) davon 341,2 km² (ca. 132 mi²) Land
Höchi:	320 m
Poschtleitzahle:	30060, 30301–30322, 30324–30334, 30336–30350, 30353
Vorwahl:	+1 404, 678, 770
FIPS:	13-04000
GNIS-ID:	0351615
Website:	www.atlantaga.gov
d’ Ìnnaschtàdt vun Atlanta ànna 2022

Atlanta

Atlanta uff dr Kàrta vu da Verainigta Schtààta

Atlanta (uff Àmerikàànisch Anglisch sààgt m’r [ætˈlæntə](info) üss) ìsch d’ Hàuiptschtàdt so wia d’ greeschta Schtàdt vum US-Bundesschtààt Georgia.^[1] Mìt 498.715 Iiwoohner (Schtànd: 2020)^[2] bìldet d’ Schtàdt dr Karn vu dr Metropoolregioon Atlanta, wo mìt ìwwer säcks Millioona Iiwoohner d’ niintgreeschta Metropoolregioon ìn da Verainigta Schtààta-n-ìsch.^[3] Atlanta lììgt zem greeschta Tail ìm Fulton County un ze’ma klainera Tail ìm DeKalb County.^[4]

Dànk ìhrer Lààg àn dr Kriizung vu wìchtiga-n-Iisabààhnliinia ìsch d’ Schtàdt ìm 19. Joohrhundert schnall g’wàcksa. Ìm Àmerikàànischa Bìrgerkriag hàt Atlanta-n-a wìchtiga Rolla g’schpììlt, bis àss sa nooh 1864 iig’numma un zem greeschta Tail zärschteert worra-n-ìsch. D’ Schtàdt ìsch schnall wììder uffbàuija worra un ìsch a fortschrìttlig Zäntrum vu da Süüdschtààta worra. Ìn da Joohrzeehnta druff hàt Atlanta a groosser Wìrtschàftswàckstumm g’hàà. Sa ìsch àui gliichzittlig dr Mìttelpunkt vu dr Bìrgerrachtsbeweegung worra, wo dr Martin Luther King g’laita hàt.^[4]

Atlanta ìsch s’ ìnfraschtrüktürälla, wìrtschàftliga un kültürälla Zäntrum vu da süüdeeschtliga Verainigta Schtààta. Dr Internàzionààla Hartsfield–Jackson-Fluughààfa z’ Atlanta ìsch zitter 1998 dr Fluughààfa mìt dr greeschta Ànzààhl àn Fluuggascht. Witterscht ìsch d’ Schtàdt Sìtz vu zeehn vu da 500 US-àmerikàànischa Unternamma mìt’m greeschta-n-Umsàtz. Z’ Atlanta fìndet m’r unteràndrem d’ Hàuiptsìtza vun The Coca-Cola Company, vu dr Delta Airlines un vum Lììferdianscht UPS. Üsserdam ìsch dr Noohrìchtasander CNN z’ Atlanta grìnda worra un hàt doo sii Sìtz.^[4]

Z’ Atlanta sìnn vììla Baim z’ sah. Waagadam nännt m’r Atlanta àui „d’ Wàldschtàdt“ un „dr Bàuimpàràdiis“.^[5][6][7]

1. ↑ Georgia (USA): Bundesstaat, Städte & Orte – Einwohnerzahlen & Karten. Abgruefen am 23. Dezember 2024. 
2. ↑ Explore Census Data Atlanta city, Georgia. Abgruefen am 10. Januar 2023 (amerikanischs Änglisch). 
3. ↑ Atlanta city, Georgia. Abgruefen am 6. Oktober 2022. 
4. ↑ ^{4,0 4,1 4,2} Dia Informàzioona sìnn üss’m Àrtìkel Atlanta ìn dr hoochdiitscha Wikipedia ìwwernumma worra.
5. ↑ Robbie Brown: Atlanta Finds Its Identity as Tree Haven Is Threatened. In: The New York Times. 21. Juli 2011, abgruefen am 23. Dezember 2024 (amerikanischs Änglisch). 
6. ↑ Jeanne Bonner: WABE: Atlanta's tree canopy at risk (March 4, 2010). (Nicht mehr online verfügbar.) Public Broadcasting, 4. März 2010, archiviert vom Original am 23. Juni 2011; abgruefen am 23. Dezember 2024 (amerikanischs Änglisch). 
7. ↑ Bill Warhop: City Observed: Power Plants. In: Atlanta Magazine. Archiviert vom Original am 7. Juni 2007; abgruefen am 23. Dezember 2024 (amerikanischs Änglisch).