Backgammon

Backgammon isch äins vo de eltiste Brättspiil für zwäi Spiiler. D Stäi wärde noch dr Punktzaal, wo mit zwäi Würfel gwürflet wird, vo dr äigene Brätthelfti uf die vom Gegner bewegt. S Ziil isch s, die äigene Stäi vor em Gegner vom Brätt z beweege.

Backgammon kombiniert strategischs Dängge mit Glück. Bäch mit de Würfel cha zum ene Spiilverlust füere, aber uf d Lengi gwünnt dr Spiiler mit dr bessere Strategii. Mit jeedem Wurf vo de Würfel muess e Spiiler sich zwüschen ere gröössere Zaal vo Alternative entschäide und drbii möögligi Geegezüüg vom Gegner in Betracht zie.

S Spiil isch wie Schach vo groossem Inträssi für Compiuterwüsseschaftler. Dank deren iire Forschige in d Aawändig vo nöironale Netz git s hüte Brogramm, wo wie bim Schachmatt die beste menschlige Spiiler chönne schloo.