Behra-Porsche

Behra-Porsche

Nome completo
Bandeira	Francia
Baseada en	Módena Italia
Tempadas en activo	1959-1960
Número de pilotos	Jean Behra Maria Teresa de Filippis Masten Gregory Fred Gamble
Debut	Gran Premio de Mónaco de 1959
Carreiras	3 (2 saídas)
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais	0
Derradeiro GP	Gran Premio de Italia de 1960

"Behra-Porsche" foi un construtor de Fórmula Un que participou en catro grandes premios do campionato do mundo durante as tempadas de 1959 e 1960. Comezou e terminou dúas carreiras, ambas na tempada 1960, pero non logrou ningún punto no campionato.

Jean Behra foi un consagrado piloto de carreiras francés, que a finais dos anos 1950 era un habitual do paddock de Fórmula Un. Alcanzara éxito anteriormente na década co equipo Maserati, pero foi contratado a Scuderia Ferrari (Ferrari) para a tempada 1959.^[1] Malia súas obrigación con Ferrari, Behra encargou a Porsche construír un monopraza de Fórmula 2, tomando compoñentes do Porsche 718 'RSK'. O chasis do coche fora deseñado polo ex enxeñeiro Maserati Valerio Colotti, que posteriormente adaptouno para podelo utilizar cos compoñentes do 718 RSK. O vehículo foi nomeado "Behra-Porsche" e pintado na cor Azul Francia da patria do francés.^[1]

O coche fixo a súa presentación no Gran Premio de Mónaco de 1959, coa boa amiga de Behra María Teresa de Filippis ao volante. De Filippis non puido cualificar, e o coche non iniciou a carreira.^[1][2]

Tralo Gran Premio de Francia de 1959, Behra foi despedido do equipo de Ferrari tras un altercado co director do equipo.^[3] Isto significou, que Behra puido competir co seu propio Behra-Porsche no seguinte Gran Premio de Alemaña.^[1]

O Gran Premio de Alemaña foi o único que se celebrou no circuíto de AVUS en Berlín. Behra non só participaba no Behra-Porsche no Gran Premio, tamén participaba co seu RSK sportscar nunha carreira de apoio. Foi nesta carreira o 1 de agosto de 1959 xusto antes do Gran Premio, na que Behra morreu, trompeou sobre a cima do infame peralte do AVUS saíndo despedido do seu vehículo. Behra golpeou unha hasta da bandeira e caeu ao chan, fracturando o cranio e rompendo moitas costelas. Morreu no impacto.^[4]

Logo da morte de Behra, o Behra-Porsche foi adquirido por Lloyd Casner para o equipo de Casner Motor Racing. A primeira das dúas saídas do Behra-Porsche en 1960 foi no Gran Premio da Arxentina o 7 de febreiro de 1960 pilotado por Masten Gregory (Estados Unidos), que terminou 12º na carreira, 4 voltas detrás do líder.^[5] Cara á segunda metade da tempada, Fred Gamble converteuse no último piloto en pilotar o Behra-Porsche nun Gran Premio do Campionato do Mundo. O Gran Premio de Italia, que destacou por un boicot dos tres equipos británicos, Gamble ocupou o décimo lugar. Foi o último a 9 voltas do gañador.^[6]

1. ↑ ^{1,0 1,1 1,2 1,3} Long, Brian (2008). Porsche Racing Cars: 1953 to 1975. Veloce Publishing Ltd. p. 74. ISBN 1904788440. 
2. ↑ Richard Williams (11 January 2016). "Maria Teresa de Filipis". theguardian.com. Consultado o 10 de setembro de 2016. 
3. ↑ ""Behra fired after Ferrari punch up"". espn.co.uk. Arquivado dende o orixinal o 20 de setembro de 2016. Consultado o 9 de setembro de 2016. 
4. ↑ "Jaap Grolleman" (4 de outubro de 2015). ""Driver Spotlight: Jean Behra"". "badgergp.com". Arquivado dende o orixinal o 19 de setembro de 2016. Consultado o 10 de setembro de 2016. 
5. ↑ "1960 Argentine Grand Prix". formula1.com. Arquivado dende o orixinal o 22 de decembro de 2014. Consultado o 20 September 2015. 
6. ↑ "1960 Italian Grand Prix". formula1.com. Arquivado dende o orixinal o 22 de decembro de 2014. Consultado o 20 September 2015.