Back Bildungsroman AF رواية التشكيل Arabic Раман выхаваньня BE-X-OLD Образователен роман Bulgarian Bildungsroman Catalan Bildungsroman Czech Dannelsesroman Danish Bildungsroman German Μυθιστόρημα μαθητείας Greek Bildungsroman English
| Enghraifft o: | math o nofel  |
|---|---|
| Math | ffilm glasoed, nofel |
| Prif bwnc | dod i oed |
Mewn beirniadaeth lenyddol, genre llenyddol sy'n canolbwyntio ar dwf seicolegol a moesol y prif gymeriad o blentyndod i fod yn oedolyn yw'r Bildungsroman (ynganiad Almaeneg: [ˈbɪldʊŋs.ʁoˌmaːn]. Deillio'r enw o'r geiriau Almaeneg Bildung ("addysg") a Roman ("nofel"). Bathwyd y gair yn 1819 gan yr ieithegydd Johann Karl Simon Morgenstern.
Rhennir y Bildungsroman yn aml yn dair rhan ac yn dilyn y cynllun "blynyddoedd ieuenctid – blynyddoedd crwydro – blynyddoedd meistr". Mae hyn i'w weld yn nofel Wilhelm Meisters Lehrjahre ("Prentisiaeth Wilhelm Meister", 1795–6) gan Johann Wolfgang von Goethe a ystyrir y nofel yn brototeip o'r Bildungsroman Almaenig.
Ceir nifer o amrywiadau ac is-genres o Bildungsroman, gan gynnwys
- yr Entwicklungsroman ("nofel ddatblygiad"), sy'n canolbwyntio ar dyfiant cyffredinol yn hytrach na hunanddiwylliad
- yr Erziehungsroman ("nofel addysg"), sy'n canolbwyntio ar hyfforddiant ac addysg ffurfio
- y Künstlerroman ("nofel artist"), sy'n ymwneud â datblygiad artist