Our website is made possible by displaying online advertisements to our visitors.
Please consider supporting us by disabling your ad blocker.
Blow-Up
|
C'l artìcul chè 'l è scrit in
Miranduléś |
 Blow-Up
| ||
| Blow Up | ||
 La Redgrave e Hemmings in na figùra dal film | ||
| Śgrandìr 1966 | ||
|---|---|---|
| Regìa: Michelangelo Antonioni | ||
| Scritōr: Michelangelo Antonioni • Julio Cortázar Tonino Guerra • Edward Bond | ||
| Atōr: David Hemmings • Vanessa Redgrave Jane Birkin • Jeff Beck • Veruschka von Lehndorff John Castle • Sarah Miles • Peter Bowles | ||
| Müsica: Herbie Hancock | ||
| Léngua: Ingléś | ||
| Dürä dal film: 111 minüt | ||
| Nasiōṅ: Stat Unî • Itàglia • Régn Unî | ||
Blow Up (Śgrandìr) 'l è 'n film dramàtic dal 1966 ad Michelangelo Antonioni ch'al 'l à anc scrit insém a Tonino Guerra e a Edward Bond (diàlug in ingléś) tulénd spunt da 'l racònt „Al bavi dal Diàvul“ dal scritōr argintèṅ Julio Cortázar.
Par cla pelìcula chè al regìsta fraréś l'à pò vins la Palma 'd Òr a 'l 20śum Fèstival ad Cannes, ciapànd anc na nomination a i Prèmi Òscar par la regìa e par la senegiadùra uriginàla.
Al film 'l è custâ un migliòṅ e òt ad dòlar e al 'n à fat sù vint.
Sunt
Thomas (David Hemmings) 'l è 'n futógràf'r ad mòda minga tant gustóś ch'al gira in Rolls Royce e ch'al gh'à 'n studi a Lóndra in du al lavóra c'n al mudèli più bèli dal paéś cuma la Verushka (Veruschka von Lehndorff). Esénd-as mis in dla suca 'l prugèt ad tōr śò dal parsòni misi da na banda da la sucietà, cuma di barbòṅ e i fiōi di fiōr, par far-'n un lìbar, al śōvan al s inśégna par catàr chi persunàǵ lè particulàr, rivànd anc a pasàr la nòt in un durmitòri.
Un dè, mént'r al và a véd'r un negòsi 'd antiquariâ ch'al vrév tōr insém a 'l sò amìg Ron (Peter Bowles), al bèca dū amànt e al decìd ad tiràr-i śò cun la màchina futugràfica lugâ da drē da 'n àrbul. La dóna dla còpia, la Jane (Vanessa Redgrave), però la gh fà a mènt e la s arlìa sèg vlénd indrē al rulèṅ parchè 'l è 'n quèl ch'a n s fà mia. Turnâ in dal sò studi, 'l óm al gh in dà indrē òṅ difarènt pò al decìd ad śvilupàr al foto. Faghénd di ingrandimènt Thomas al s rènd cònt ch'in dla figùra a gh'è òṅ ch'l è drē a cupàr na parsòna anc s'al fat al n è briśa dal tut ciàr.
Culegamènt estéran
Previous Page Next Page
