Bodhisattva

Sa Budhismo, an bodhisattva (Sanskrito: 𑀩𑁄𑀥𑀺𑀲𑀢𑁆𑀢𑁆𑀯 (Brahmī), romanisado: bodhisattva) o bodhisatva sarong tawo na nasa dalan pasiring sa bodhi ('pagkagimata') o Pagka-Buddha.^[1][2]

Kaidtong Enot na mga eskwelahan na Budhista saka modernong Theravada Budhismo, bodhisattva (Pali: bodhisatta) nanonongod sa saro na naggibo nin resolusyon na magin sarong Budha asin nag-ako man nin pagkompirmar o prediksyon hale sa gikan sa buhay na Budha na ini magigin siring.^[3]

Sa Mahayana Budhismo, an sarong bodhisattva nanonongod sa siisay man na nagprodusir nin bodhicitta, sarong gikan sa boot na kamawotan asin madinamayon na isip na makamtan an Buddhahood para sa kapakinabangan kan gabos na may pagmating persona. An Mahayana bodhisattva iyo an mga espiritwal na heroe na naghihingoa na makamtan an pagkagimata asin pinapahiro nin dakulang pagdamay (mahakaruṇā). An mga ini ipinaghahalimbawa sa paagi kan importanteng espiritwal na mga kwalidad arog kan "apat na banal na mga erokan" (brahmaviharas) nin mamomoton na kabootan (metta), pakikidamay (karuṇā), empatetikong kagayagayahan (mudita) asin equanimidad (upekkha) saka an laen - laen na bodhisattva "perfections" (pāramitās) na kaiba an prajñāpāramitā ("transcendent na kaaraman o sangkap na nangangahulogan nin kadonongan.^[4][5][6]

Sa Theravada Budhismo, an bodhisattva mayormente hinihiling na pambihirang asin maurag na indibidwal. Pira sanang piling indibidwal an sa katapustapusi nagigin bodhisattva (arog baga kan Maitreya). An Mahayana Budhismo heneralmente nakakasabot kan dalan na bodhisattva bilang bukas sa gabos asin an mga Mahayanista ineenkaminar an gabos na indibidwal na magin mga bodhisattva.^[7] An maoswag sa espirituwal na mga bodhisattva arog kan Avalokiteshvara, Maitreya asin Manjushri lakop man na iginagalang sa bilog na kinaban nin Mahayana Buddhista asin tinutubod na igwa sinda nin dakulang kapangyarihan sa mahika na ginagamit ninda tanganing tabangan an gabos na nabubuhay na persona.^[8]

1. ↑ "Bodhisattva". Collins English Dictionary.
2. ↑ Skilling, Peter (2021). Questioning the Buddha: A Selection of Twenty-Five Sutras, Introduction, Simon and Schuster.
3. ↑ Drewes, David, Mahāyāna Sūtras and Opening of the Bodhisattva Path, Paper presented at the XVIII the IABS Congress, Toronto 2017, Updated 2019.
   
4. ↑ Flanagan, Owen (2011-08-12). The Bodhisattva's Brain: Buddhism Naturalized (in English). MIT Press. p. 107. ISBN 978-0-262-29723-3. 
5. ↑ Pye, Michael (1978). Skillful Means – A concept in Mahayana Buddhism. London: Gerald Duckworth & Co. Ltd. ISBN 0-7156-1266-2.
6. ↑ Williams, Paul (2008). Mahayana Buddhism: The Doctrinal Foundations, pp. 50–51. Routledge.
7. ↑ Skorupski, Tadeusz. The Historical Spectrum of the Bodhisattva Ideal. The Middle Way. Journal of the Buddhist Society. August 2000. Vol. 75, No.2, 95–106.
8. ↑ Williams 2008, pp. 220–221