Bosnies

Hierdie artikel handel oor die taal. Vir die etniese groep, sien Bosniake.

Bosnies bosanski / босански
Uitspraak:	[bɔ̌sanskiː]
Gepraat in:	Bosnië en Herzegowina  Serwië  Kroasië  Slowenië  Noord-Masedonië  Kosovo  Albanië  Montenegro  Turkye
Gebied:	Balkan
Totale sprekers:	1,5 miljoen[1]
Taalfamilie:	Indo-Europees  Slawies   Suid-Slawies    Suidwes-Slawies     Serwo-Kroaties      Bosnies
Skrifstelsel:	Latynse alfabet Cyrilliese alfabet
Amptelike status
Amptelike taal in:	Bosnië en Herzegowina  Montenegro (in amptelike gebruik)[2]
Gereguleer deur:	Instituut van Bosnies
Taalkodes
ISO 639-1:	bs
ISO 639-2:	bos
ISO 639-3:	bos
Nota: Hierdie bladsy kan IFA fonetiese simbole in Unicode bevat.

Die Bosniese taal (bosanski/босански; [bɔ̌sanskiː]) is een van die standaardweergawes van die Suidwes-Slawiese taalgroep Serwo-Kroaties en dus nou verwant aan Kroaties, Montenegryns en Serwies. Bosnies vorm saam met Kroaties en Serwies die amptelike tale van Bosnië en Herzegowina. Daarbenewens is Bosnies in Montenegro in amptelike gebruik.

Die taal word vernaamlik deur Bosniake in Bosnië en Herzegowina gebruik. Dit is gebaseer op die westerse variant van die tokavski-dialek en gebruik oorwegend die Latynse alfabet, terwyl die Cyrilliese alfabet net selde gebruik word.

Die naam "Bosnies" is nogal omstrede, aangesien die Kroate en Serwiërs in Bosnië en Herzegowina hulle taal Kroaties en Serwies noem. Die grondwet van die Republika Srpska en die regering van ServiÎ, waar dit 'n amptelike taal is, verwys na Bosnies as: "taal gepraat deur die Bosniake" (Jezik kojim govore Bošnjaci).

1. ↑ (en) "Ethnologue: Languages of the World, Seventeenth edition, Bosnian". Ethnologue. Geargiveer vanaf die oorspronklike op 5 Junie 2019. Besoek op 2 Desember 2020.
2. ↑ (en) "Language and alphabet Article 13". Grondwet van Montenegro. WIPO. 19 Oktober 2007. Besoek op 2 Desember 2020. Serbian, Bosnian, Albanian and Croatian shall also be in the official use.