Brocken

Brocken
monto
Alteco	1 141 m
Situo	Germanio
Montaro	Harco
Geografia situo	51° 48′ N, 10° 37′ O (mapo)51.80055555555610.617222222222Koordinatoj: 51° 48′ N, 10° 37′ O (mapo) f4
DEC Situo de Brocken
Brocken
v • d • r

La Brocken [prononco BROKn] estas la plej alta monto en la nordo de Germanio. Ĝi altas 1141 metrojn kaj estas la centro de la mezalta montaro Harco. Ĝia pinto situas en la pleja okcidento de la federacia lando Saksio-Anhalto, tuj ĉe la limo al la okcidenta najbara federacia lando Malsupra Saksio - inter la jaroj 1945 kaj 1990 ĝi tre proksimis al la arde gardita limo inter ambaŭ partoj de Germanio, kiu centre distranĉis la mezaltan montaron Harco. La monto kaj sia ĉirkaŭaĵo estas parto de la Nacia Parko Harco.

Laŭ la mezeŭropaj legendoj pri sorĉistinoj, la monto havas la literaturan nomon Blocksberg [prononco BLOKSberk] - en Esperanto Blokmonto - kaj estas la loko, en kiuj ĉiuj mezeŭropaj sorĉistinoj kolektiĝas en la Valpurga Nokto kaj sur siaj flugaj balailoj ĉirkaŭas grandegan fajron. La scenon sur la monto priskribas interalie la dramo Faŭsto de Johann Wolfgang von Goethe, kaj ankaŭ la infana libro La malgranda sorĉistino de Otfried Preußler [OTfri:t PROJSla], kiu estas klasikaĵo ne nur en la germanlingva, sed ankaŭ en esperanta traduko en la esperantlingva infana literaturo.