Bulong

An bulong (inaapod man na medikasyon, medikamento, medisina, parmasyutikong droga, medisinal na droga, o droga sana) sarong droga na ginagamit sa pag-diagnose, pagbulong, pagtrato, o paglikay sa helang.^[1][2] An drug therapy (pharmacotherapy) iyo an importanteng kabtang kan lado medikal asin nagsasarig sa syensia nin pharmacology para sa dagos-dagos na pag-uswag asin sa parmasya para sa angay na pagmanehar.

An mga droga klasipikado sa dakol na paagi. An saro sa pangenot na mga pagkabaranga iyo an pagkaigwa nin kontrol, na nalalaen sa mga drogang pang-preskripsyon (an itinatao sana nin sarong parmasista dapit sa pagboot nin sarong doktor, doktor na assistant, o kwalipikadong nars) hale sa mga drogang over the counter (an mga parabakal pwedeng magboot para sa saindang sadiri). An saro pang pangenot na pagkakalaen iyo an tradisyonal na saradit na klase nin droga, na parateng kinua sa kemikal na sinthesis, asin biopharmaceuticals, na kabale an mga protina, bakuna, produktong hale sa dugo na ginagamit sa pagbulong (arog kan IVIG), gene therapy, monoclonal antibodies asin cell therapy (halimbawa, stem cell therapy). An iba pang paagi tanganing maklasipikar an mga bulong iyo an sa paagi nin paghiro, ruta nin administrasyon, biolohikong sistema na naapektaran, o mga epekto sa pagbulong. An sarong detalyado asin mahiwas na ginagamit na sistema nin klasipikasyon iyo an Anatomikal na Therapeutic Chemical Classification System (ATC system). An World Health Organization igwa nin listahan nin mahalagang marhay na mga bulong.

An pagkadiskobre nin droga asin pag-uswag sa droga komplikado asin mahal na mga paghihingoa na ginigibo nin mga kompanya sa parmaseutiko, akademikong sientista, asin gobyerno. Bilang resulta kan komplikadong dalan na ini poon sa pagkadiskobre sagkod sa komersialisasyon, an pakikipagsosyo nagin nang sarong pamantayan para sa pag-oswag nin mga kandidato sa droga sa paagi kan development pipelines. Sa pangkagabsan, kontrolado kan mga gobyerno kun anong droga an pwedeng itinda, kun paano ipinapabakal an droga, asin sa nagkapirang hurisdiksion, pagpresyo sa droga. Naglataw an mga kontrobersiya manongod sa paggibo nin droga asin sa paggamit nin droga.

1. ↑ US Federal Food, Drug, and Cosmetic Act, SEC. 210., (g)(1)(B). Accessed 17 August 2008.
2. ↑ Directive 2004/27/EC of the European Parliament and of the Council of 31 March 2004 amending Directive 2001/83/EC on the Community code relating to medicinal products for human use. Article 1. Published 31 March 2004. Accessed 17 August 2008.