Bumel

Bumel^[1] (hurup Arab Gundul: بومل) atawa lokomotip (hurup Arab Gundul: لوكوموتيف) entu bagèan sepur punya rèndèngan nyang di sonoh ada mesin bakal nggerakin tu sepur. Biasanya bumel adanya ditaroh paling depan deri tu rèndèngan sepur. Orang nyang ngejalanin bumel disebutnya tukang masinis. Tukang masinis ngejalanin sepur berales perènta deri sintrem pengontrol rès^[2] sepur liwat singal nyang ada di lingir tundanan.

1. ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
2. ↑ Rès (hurup Arab Gundul: ريس) – perjalanan (Indo.); travel (Ing.); reis (Wld.).