Carnuezu

Carnuezu ye'l nome que recibe la carne podre. Constitúi una importante fonte d'alimentu para grandes carnívoros y omnívoros na mayoría de los ecosistemes. Dellos exemplos d'animales carnuciegos son, el cóndore andín, les utres, les águiles, los ferres, les yenes,^[1], el demónganu de Tasmania,^[2] los coyotes^[3] y el dragón de Komodo.^[4] Munchos invertebraos, como los sílfidos^[5] y les canesbes de les mosques azules y de les careses, también comen caruezu, xugando un importante papel nel reciclaxe del nitróxenu y del carbonu nos restos animales.

El caruezu entama descomponer nel momentu nel que l'animal muerre y de forma progresiva atrai inseutos y cria bacteries. Pocu dempués de la muerte del animal, el su cuerpu arreciende un golor desagradable provocáu pola presencia de bacteries y pola emisión de cadaverina y putrescina.

Delles plantes y fungos tienen un golor asemeyáu al carnuezu en descomposición y atrain inseutos que collaboren na so reproducción. Les plantes que presenten esti comportamientu son conocíes como plantes carnuciegues. Los fungos fediondos son un exemplu de fungos con esta carauterística.

1. ↑ «Striped Hyena | San Diego Zoo Animals & Plants» (inglés). Consultáu'l 11 de febreru de 2017.
2. ↑ «Tasmanian Devil | San Diego Zoo Animals & Plants» (inglés). Consultáu'l 11 de febreru de 2017.
3. ↑ Stegemann, Eileen (2006). Skull Science (n'Inglés). NYS Department of Environmental Conservation.
4. ↑ Irvin, Randall (1993). «Attachment and Colonization of Pseudomonas aeruginosa: Role of the Surface Structures», Pseudomonas aeruginosa as an Opportunistic Pathogen (n'Inglés).
5. ↑ (1 de xineru de 1892) Insects Abroad: Being a Popular Account of Foreign Insects; Their Structure, Habits and Transformations (n'inglés). Longmans. Consultáu'l 11 de febreru de 2017.