Cembratal

Das Cembratal (ital.: Val di Cembra, deitsch: Zimmerstal^[1]) liegt im Trentino in Italien. Duach's Toi fliaßt da Avisio (Laifserbach).

Des vom Weinbau prägte Zimmerstal werd im Westn vom Etschtoi bei Lavis (Laifs), im Sidn vom untan Fersental, im Ostn vo da Houchebene vo Piné (Pineid) begrenzt. Ob Castello di Fiemme (Kastell im Fleimstal) werd des vom Avisio duachflossna Toi Fleimstal gnennt. Im Zimmerstal gibt's 11 Gmoana. Haptort is Cembra (Zimmers). Weitare Orte san: Faver (Fafer), Grumes (Grumeis), Grauno (Graun), Capriana (Kaferlan), Lisignago (Lissenach), Valfloriana (Welschflörian), Valda (Wald im Zimmerstal), Sover (Sofer) und Segonzano (Segunzan). Organisatorisch hod's Cembratal bis zua Refoam vo da zwoatn Vawoitungsebne zua Beziaksgmoaschof Valle dell’Adige ghead; seit 2006 buidt's Cembratal a eigne Toigmoaschoft.

Sengswert san de Erdpyramiden vo Segonzano.

Im Zimmerstal eareicht de Rebsorte Müller-Thurgau ihrn hechstn Vabroatungsgrad in gonz Italien.^[2]

↑ Dizionario di toponomastica. Storia e significato dei nomi geografici italiani, (2010) UDET, Seite 221
↑ Giorgio Nicolini, Institute Agrario S. Michele all'Adige: Die Bedeutung der Rebsorte Müller-Thurgau in Italien bei 125 Jahre Müller-Thurgau August 2007 (Forschungsanstalt Geisenheim)