Back অঙ্কুশ Bengali/Bangla Ankus German Elephant goad English अंकुश HI Angkusa ID កង្វេរដំរី KM ಅಂಕುಶ KN Ankus LT अंकुश MR Ankus Polish
Cis utawi Êcis inggih punika araning piranti awujud tumbak cendhak ingkang lelandhepipun awangun gantholan minangka cecepenganing srati kagem ngereh liman utawi gajah.Cis wujudipun anggadahi perangan baku cacah kalih inggih punika lelandhep lan garan. Lelandheping cis punika awujud gantholan ingkang panjangipun antawis 60-90 cm mawi pepucuk ingkang merit.
Kacarita wonten cawinten utawi relief ing Cepuri Sanchi lan sunggingan fresco ing Guwan Ajanta, Indhiya ngingingi bab gajah tumpakan kagem ing palagan, wondene relief lan fresco punika nyariyosaken tigang piyantun ingkang nunggang liman nalika maju perang, piyantun sapisan lenggah ing ngajeng ngayahi sratining liman kanthi nyepeng cis, lenggah sawingkinging srati wonten piyantun ingkang kawistingal minangka piyantun ningrat ngayahi manggalaning prajurit ingkang ugi kairid abdi cacah setunggal, sadaya lenggah ing nginggil liman.