Coronavirus

An Coronaviruses grupo nin mga magkakapamilyang RNA virus na nagkakawsa nin hilang sa mga mammal asin mga gamgam. Sa mga tawo asin gamgam, nagkakawsa sinda nin respiratory tract infection na pwedeng maluya sana o kaya man nakakagadan. An maluyang klase nin hilang sa mga tawo pwedeng arog kan common cold (na hali man sa ibang klase nin mga virus, arog halimbawa kan rhinoviruses), mantang an mga nakakagadan man na klase iyo an SARS, MERS, asin COVID-19. Sa mga baka asin mga orig, nagkakawsa an mga ini nin diarrhea, mantang sa mga kino man, hepatitis asin encephalomyeletis.

An Coronaviruses iyo an mga subpamilya kan Orthocornavirinae, sa pamilyang Coronaviiridae, order Nidovirales, asin grupo kan Riboviria. An mga ini enveloped virus na may positive-sense single-stranded RNA genome asin nucleocapsid na igwa nin helical na semitriyo.^[1] An heneome na sokol kan coronaviruses poon sa 26 sagkod sa 32 na kilobas, saro sa pinakadakula sa mga virus sa RNA. Igwa ini nin mga karakteristiko siring kan pormang pamakol na mga spike na yaun sa saindang ibabaw, kun sain sa mga electron micrograph naghahaman ini nin mga imahen siring kan solar corona, kun sain hali man an saindang pangaran.

1. ↑ Cherry J, Demmler-Harrison GJ, Kaplan SL, Steinbach WJ, Hotez PJ (2017). Feigin and Cherry's Textbook of Pediatric Infectious Diseases (in English). Elsevier Health Sciences. p. PT6615. ISBN 978-0-323-39281-5.