Cosplay

El Cosplay (コスプレ, Kosupure^?), contraición de costume play (xuegu de disfraz),^[1] ye una especie de moda representativa, onde los participantes, tamién llamaos cosplayers, usen amarutes, accesorios y traxes que representen un personaxe específicu o una idea. Los prauticantes de cosplay de cutiu interactúan pa crear una subcultura centrada na interpretación de roles. Una definición más amplia del términu "cosplay" aplica a cualquier usu de disfraz de xuegos roles fuera del escenariu, independientemente del so contestu cultural. Les fontes favorites pa esto inclúin cómics, cine, llibros, anime, manga y videoxuegos.

El cosplay tien un enfoque cultural específicu dedicáu a la representación realista d'una idea o un personaxe propiu de la ficción; puede tener distintes variantes según la intención y el contestu, de normal faciendo una representación físico y dramático d'un personaxe. Ente les sos variantes atópense notablemente: la representación de personaxes antropomorfos, l'adaptación antropomorfa de personaxes zoomorfos, el cross-dressing, la representación de los roles de xéneru opuestos y el calter eróticu.^[2]

1. ↑ Stuever, Hank (14 de febreru de 2000). «What Would Godzilla Say?» (inglés). The Washington Post. Consultáu'l 3 de xineru de 2008.
2. ↑ Costuming the Imagination: Origins of Anime and Manga Cosplay[1], Theresa Winge. Archivu en project MUSE