Deltaproteobacterias

Deltaproteobacterias
Desulfovibrio vulgaris
Clasificación científica
Dominio: Bacteria Filo: Proteobacteria Clase: Deltaproteobacteria
Ordes
Syntrophorhabdaceae Bdellovibrionales Bacteriovoracaceae Bdellovibrionaceae Desulfarcales Desulfarculaceae Desulfobacterales Desulfobacteraceae Desulfobulbaceae Nitrospinaceae Desulfovibrionales Desulfohalobiaceae Desulfomicrobiaceae Desulfonatronaceae Desulfovibrionaceae Desulfurellales Desulfurellaceae Desulfuromonadales Desulfuromonadaceae Geobacteraceae Myxococcales [Myxobacteria] Cystobacteraceae Myxococcaceae "Haliangiaceae" Kofleriaceae Nannocystaceae Phaselicystidaceae Polyangiaceae Syntrophobacterales Syntrophaceae Syntrophobacteraceae

As deltaproteobacterias ou Deltaproteobacteria (tamén escrito delta-proteobacterias ou proteobacterias delta) é un grupo de bacterias gramnegativas que se considera unha clase do filo Proteobacteria.^[1]

As Deltaproteobacteria comprenden unha póla de proteobacterias de xéneros predominantemente aerobios, como as Myxobacteria formadoras de corpos frutíferos, que liberan mixoesporas cando están en ambientes desfavorables, e outra póla de xéneros estritamente anaerobios, que contén a maioría das bacterias redutoras de sulfato (Desulfovibrio, Desulfobacter, Desulfococcus, Desulfonema etc.) e as redutoras de xofre (por exemplo, Desulfuromonas spp.), xunto con outras bacterias anaerobias de diferente metabolismo (como as redutoras de ferro Geobacter spp. e as sintróficas^[2] Pelobacter e Syntrophus spp.).

Recentemente, identificouse unha deltaproteobacteria patóxena intracelular, Lawsonia intracellularis.^[3]

1. ↑ "www.ncbi.nlm.nih.gov". Consultado o 29 xuño 2012. 
2. ↑ a sintrofía é o proceso por medio do cal dous ou máis microorganismos cooperan na degradación dunha substancia que non poden degradar por si sós.
3. ↑ Schmitz-Esser S, Haferkamp I, Knab S; et al. (2008). "Lawsonia intracellularis contains a gene encoding a functional rickettsia-like ATP/ADP translocase for host exploitation". J. Bacteriol. 190 (17): 5746–52. PMC 2519521. PMID 18606736. doi:10.1128/JB.00391-08.