Devi

D Devi (Sanskrit: देवी, Devī f. „Göttin“) isch im Hinduismus de Name vo de Göttin, wo ali wiiblichi Aspekt und ali Göttine umfasst. Si manifestiert sich i merere Aspekt und het drum meriri Näme.

Im Hinduismus spilet nu wenig Göttine en aktiifi oder öbergornneti Role, hüffig sind si nu Biglaiterine und d Fraue vo männliche Götter und underem Name Devi chönd al Göttine zämegfasst were. Im jüngere Hinduismus isch Devi bsundrigs de Name vo de Frau vom Shiva und haisst i de milde Form Parvati, Uma oder Gauri und i de wilde Form Durga oder Kali.

As Tridevi („Draigöttin“) isch si d Verschmelzig vo de Göttine Sarasvati, Lakshmi und Parvati, de drai Fraue vo de drai Hoptgötter Brahma, Vishnu und Shiva.