Diasistema

En llingüística, diasistema ye «un conxuntu más o menos complexu de "dialeutos", "niveles" y "estilos de llinguaxe"».^[1] Un diasistema nun ye un sistema llingüísticu, sinón una serie de sistemes qu'entren en rellación ente sigo, formando un conxuntu que nun constitúi una llingua xunitaria (esto ye, un sistema coherente), sinón variable (nos aspeutos social, funcional y xeográficu) y sicasí constante. Nun tien de tracamundiase diasistema con llingua estándar. L'estándar o los estándares d'una llingua son ellaboraciones artificiales de la llingua, planiaes al envís de convertise en modelos pa la enseñanza, los usos oficiales y los usos escritu y formal.

Puede estremase en cuatro tipos:

• Diatópicu: que depende del allugamientu xeográficu.
• Diafásicu: que depende de la dómina.
• Diastráticu: que depende del estratu social.
• Diaxeneracional: que depende de la edá o xeneración, como nel casu d'una persona nueva y otra mayor.

1. ↑ E. Coseriu: 'Llecciones de llingüística xeneral,' Madrid, Gredos, 1981, p. 306