Drehbuchautor

E Dräibuechautor schribt Tegschtheft, wo s Rohmaterial bzw. dr Entwurf vom Plot für e Film oder e Färnseeserii sin.

Das macht er äntwäder im Ufdraag von ere Brodukzionsgsellschaft, vom ene Reschissöör oder as freischaffende Autor, wo brobiert si Dräibuech über en Agänt z verchaufe.^[1] E Dräibuech entstoot mäistens in meerere Etappe (Exposé, Treatment, Step-Outline).^[2]

Dräibuechautore spezialisiere sich mängisch zum Bischbil uf Dialog,^[3] uf d Handlig (Storyline) vor allem bi Serie^[4] oder uf s Verbessere vo Dräibüecher (Script Doctor).

Mäischtens schaffet e Dräibuechautor als Ghülfe vom eme Reschissöör, bi Serie isch er nid sälte au grad sälber der Broduzänt (writer-producer).^[5]

Amerikanischi Dräibuechautore müesse Mitgliid in dr Writers Guild of America (WGA) si, wo iiri Macht in dr Film- und Färnseeindustrii bsundrigs in meerere Dräibuechstreik – öpe ane 1988, 2007 und 2008 – bewiise het.

Für d Inträsse vo de Dräibuechautore in Dütschland setzt sich sit 1986 dr Verband Deutscher Drehbuchautoren (VDD) ii.

1. ↑ Jan-Christopher Horak: Drehbuchautor. In: Lexikon der Filmbegriffe, uusegee vom Hans. J. Wulff und Theo Bender.
2. ↑ Drehbuchautor Archivlink (Memento vom 28. April 2014 im Internet Archive) im Glossar der Deutschen Filmakademie.
3. ↑ Jan-Christopher Horak: Dialogautor. In: Lexikon der Filmbegriffe, uusegee vom Hans. J. Wulff und Theo Bender.
4. ↑ Ansgar Schlichter: Storyliner. In: Lexikon der Filmbegriffe, uusegee vom Hans. J. Wulff und Theo Bender.
5. ↑ Heinz-Hermann Meyer, James zu Hüningen: Writer-producer. In: Lexikon der Filmbegriffe, uusegee vom Hans. J. Wulff und Theo Bender.