Dubstep

Dubstep
[editar datos en Wikidata]

El dubstep (/dʌbstɛp/) ye un xéneru que surde a finales de los 90s y empiezos de los 2000s en Londres, Inglaterra. Ye la culminación d'un llinaxe d'estilos como'l 2-step garage, broken beat, drum and bass, jungle, dub y reggae. El Dubstep consiste nUn baxu caedizu (Wobble), growls y el so ritmu ye bien variáu yá que s'usa en 120, 125, 130, 140, 150 y 160BPM.^[1]

Les primeres muestres de Dubstep fueron publicaes el 4 de xunetu del 2001. Trátase de remezclas instrumentales, escures y esperimentales de producciones de 2-step garage, realizaes col enfotu de incorporar los elementos funky del breakbeat o les traces más escures del drum and bass nel mesmu 2-step. Estes remezclas apaecíen como cara B de los senciellos de 2-step de la dómina. En 2001, esta y otres variedaes de música garage escura empezaron a ser amosaes nel club nocherniegu londinense Plastic People, nes nueches llamaes "Forward" (tamién estilizado como FWD>>), que seríen considerablemente influyentes pal desenvolvimientu del dubstep. El términu "dubstep" como denominación d'un xéneru musical empezó a utilizase en redol a 2002 por sellos discográficos como Big Apple, Ammunition y Tempa, momentu nel cual los enclinos estilísticos presentes nes remezclas empezaron a faese más remarcables y distintives en rellación al xéneru orixinal, el 2-step, según al grime, soníu col que nos sos oríxenes el dubstep tamién guardó una estrecha rellación.^[2]

Anguaño, el Dubstep tiende enforma a confundise col Brostep, y hai quien señalen que'l Brostep ye El Dubstep del momentu. Un tempranu siguidor del soníu foi'l DJ de la emisora BBC Radio 1, John Peel, quien empezó a programalo a partir de 2003. En 2004, l'últimu añu del so programa, los sos oyentes votaron a Distance, Digital Mystikz y Plastician (enantes conocíu como Plasticman) nel so top 50 del añu.^[3] El dubstep empezó a estendese más allá d'una pequeña escena llocal escontra finales de 2005 y empiezos de 2006. Numberosos sitios web dedicaos al xéneru empezaron a apaecer, ayudando a la crecedera de la escena.^[4] Simultáneamente, el xéneru empezó a recibir una importante cobertoria en revistes musicales como The Wire y en publicaciones online como Pitchfork Media, qu'empezó un apartáu regular denomináu The Month In: Grime/Dubstep. L'interés nel dubstep creció considerablemente desque la DJ de BBC Radio 1 Mary Anne Hobbs empezara a promocionalo, empezando un programa dedicáu n'esclusiva a esti soníu (tituláu "Dubstep Warz") en xineru de 2006.^[5][6][7]

Escontra'l final de la década de 2000, el xéneru pasó a tener un importante ésitu comercial en Reinu Xuníu, aumentando progresivamente el númberu de senciellos qu'entraben nes llistes d'ésitos de música popular. Los periodistes y los críticos musicales tamién llamaron l'atención sobre la influencia del dubstep sobre'l trabayu de numberosos artistes de música pop. Nesta dómina, los productores empezaron a fundir elementos del dubstep orixinal con otres influencies, creando xéneros de fusión como'l más lentu y esperimental post-dubstep.

1. ↑ «Explore Music: Dubstep». Allmusic. Rovi Corporation. Consultáu'l 27 d'agostu de 2012.
2. ↑ IMO Records "Hatcha Biography", IMO Records, Londres, 17 d'ochobre .
3. ↑ «Keeping It Peel: Festive 50s – 2004». BBC Radio One. BBC. Consultáu'l 27 d'agostu de 2012.
4. ↑ Wilson, Michael (1 de payares de 2006). «Bubble and Squeak: Michael Wilson on Dubstep». Artforum International. http://www.thefreelibrary.com/Bubble+and+squeak%3a+Michael+Wilson+on+dubstep.-a0165312289. Consultáu'l 27 d'agostu de 2012. 
5. ↑ de Wilde, Gervase (14 d'ochobre de 2006). «Put a Bit of Dub in Your Step». The Daily Telegraph (London: Telegraph Media Group). http://www.telegraph.co.uk/culture/music/3655896/Put-a-bit-of-dub-in-your-step.html. Consultáu'l 27 d'agostu de 2012. 
6. ↑ O'Connell, Sharon (4 d'ochobre de 2006). «Dubstep». Time Out London. Time Out Group. Archiváu dende l'orixinal, el 2012-07-29. Consultáu'l 27 d'agostu de 2012.
7. ↑ Clark, Martin (16 de payares de 2006). «The Year in Grime and Dubstep». Pitchfork Media. Consultáu'l 27 d'agostu de 2012.