"E.T." | ||||
---|---|---|---|---|
Keti Perri və Kanye Vest tərəfindən Teenage Dream albomunda ifa olunmuş mahnı | ||||
Yayımlanıb | 16 fevral 2011 | |||
Yazılma tarixi | 2010 | |||
Janr | Pop, elektronik, hip hop | |||
Dil | ingilis dili | |||
Müddət | 3:51 | |||
Bəstəkarlar | Katy Perry, Lukasz Gottwald | |||
Sözlərin müəllifləri | Max Martin, Joshua Coleman | |||
Prodüser | Dr. Luke, Ammo, Max Martin | |||
Studiya | Capitol Records | |||
Leybl | Capitol Records[d] | |||
Audio nümunəsi | ||||
|
“E.T.” – Keti Perrinin üçüncü studio albomu olan “Teenage Dream” albomundan olan sinql. Mahnının müəllif və prodüserləri Dr. Luke, Max Martin, Ammo və Keti Perridir. Mahnı müğənninin albomundan üçüncü təbliğat sinqlı kimi 17 avqust, 2010 – cu ildə çıxarılmışdır. Daha sonra mahnı albomun dördüncü sinqlı kimi 16 fevral 2011 – ci ildə satışa çıxarılmışdır. Mahnının sinql versiyasında ABŞ repçisi Kanye Vestin də ifası əlavə edilmişdir.
“Taqqıltı-taqqıltı-alqış” vurğusu üzərində qurulmuş mahnının musiqisi Queen qrupunun məşhur "We Will Rock You" (1977) mahnısını xatırladır. “E.T.” “yad dünyadan gələn varlığa qarşı olan məhəbbət”dən bəhs edən elektronik balladadır. Yerdən kənar məcazların istifadə edildiyi mahnı arasında, Vestin söylədiyi rep də mövzuya uyğundur və onun ifasını Auto-Tune müşayət edir. Hər dəqiqədə yetmiş altı vuruş olmaqla mahnı yavaş temp üzərində qurulmuşdur. Bəzi tənqidçilər mahnının Rihanna, Evanescence və Queenin mahnıları ilə oxşar xüsusiyyətlərə malik olduğunu qeyd edirlər.
ABŞ, Kanada, Yeni Zellandiya və Polşa hit paradlarında birinci yerə yüksələn mahnı Avstraliya, İrlandiya və Birləşmiş Krallıqda ilk beşliyə, daha on Avropa ölkəsində isə ilk onikiliyə daxil olmuşdur. “E.T.” musiqi tənqidçilərinin əksəriyyətindən müsbət rəy almışdır. Xüsusilə Perrinin ifası çox bəyənilmiş, mahnının müğənninin səs imkanları üçün çox çətin - zil, bəm məqamlarla zəngin olduğu, lakin onun bu çətinliklərin öhdəsindən çox uğurla gəldiyi bildirilmişdir. Vestin ifası isə tənqidçilər tərəfindən müxtəlif cür qarşılanmışdır.
Mahnının klipi Floria Sigismondinin rejissorluğu ilə çəkilmişdir. Klipdə Perri və Vest kosmosda mahnı ifa edərkən təsvir edilir. 31 mart, 2011 – ci ildə MTV.com – da klipin təqdim edilməsindən sonra, onun haqqında müxtəlif fikirlər bildirilmiş, bəziləri isə klipi Lady Gaganın işlərinə bənzətmişdir. Keti Perri mahnını “California Dreams Tour” (2011) zamanı və “American Idol” kimi televiziya layihələrində canlı ifa etmişdir.