Eignarfornafn

Eignarfornöfn (skammstafað sem efn.) eru fornöfn^[1] og eru helst minn og þinn í íslensku^[1] en vor og sinn teljast einnig til eignarfornafna. Sumir málfræðingar telja eignarfornafnið sinn eiga heima í flokki afturbeygðra fornafna þar eð það vísar aftur til þriðju persónu.^[1] Þessi skilgreining er umdeild enda nýleg og á sér ekki hefð í íslenskri málfræði. Í fornu máli voru eignarfornöfn þremur fleiri: okkar, ykkar og yðar. Þau beygðust öll á sama veg og nokkurn veginn eins og fornöfnin annar og nokkur í nútímamáli. ^[2]

1. ↑ ^{1,0 1,1 1,2} „Hugtakaskýringar - Málfræði“. Afrit af upprunalegu geymt þann 16 ágúst 2010. Sótt 23 júlí 2010.
2. ↑ Íslenskt mál; grein í Morgunblaðinu 1983