Ubeldura edo ekimosia orban urdinxka edo beltzixka da, odolaren estrabasazioa gertatzen delako larruazalpeko ehunean. Berez ager daiteke odol-diskrasietan edota traumatismo baten ondorio izan. Zenbait egun (edo aste) iragan ondoren, lesioaren hedaduraren arabera, ekimosia desagertuz doa, kolore desberdinak hartuz: morea, ubela, marroixka, berdexka eta horixka, bata bestearen atzetik.[1] Askotan makatu ere deitua, hematomaren antzekoa da.
