Electrolux

Aktiebolaget Electrolux
Tipe	Aktiebolaget (Sweedse aandelemaatskappy)
Gestig	1919 (samesmelting)
Hoofkantoor	Stockholm, Swede
Produkte	Huishoudelike toestelle
Inkomste	101,6 miljard SEK (2011)
Bedryfsinkomste	3 071 miljoen SEK (2011)
Netto inkomste	2 064 miljoen SEK (2011)
Webwerf	Electrolux

Electrolux, 'n Sweedse maatskappy met sy hoofkwartier in Stockholm, is die wêreld se tweede grootste vervaardiger van huishoudelike toestelle soos wasmasjiene, skottelgoedwassers, koel- en vrieskaste, elektriese oonde en stowe en stofsuiers wat jaarliks meer as 40 miljoen produkte aan verbruikers in 150 lande verkoop. Electrolux is daarnaas ook die eienaar van ander vervaardigers en handelsmerke in dié bedryf soos byvoorbeeld Elektro-Helios, Husqvarna, Zanussi (Italië), AEG (Duitsland), Volta, Kelvinator (Australië en Suid-Afrika), Frigidaire en Eureka (VSA).^[1]

Electrolux is in 1919 deur die stofsuier-fabrikant Axel Wenner-Gren gestig wat destyds die bedrywighede van twee maatskappye, Elektromekaniska AB (wat in 1910 gestig is) en AB Lux (1901), saamgesmelt het.

1. ↑ National Consumer Brands, volgens Electrolux se tuisblad