Emir

An Emir iyo an katagang naggikan sa tataramon na Arabe (أمير ʾamīr) na nanonongod sa lalaking monarka, aristokrat, nagkakapot nin halangkaw na ranggo sa militar o opisinang politikal, o ibang tawo na igwa nin aktwal o seremonyal na katongdan. An titulo igwang halawig na historya nin paggamit sa Arabong Kinaban, Subangan na Aprika, Solnopan na Aprika, Sentral na Asya, asin sa subkontinente nin Indya. Sa modernong panahon, kun ginagamit na pormal na titulong monarkiya, ini halos katumbas nin "prinsipe," apwera sa aki nin sarong hereditaryong monarka, asin sa sarong nagrereynar na monarkiya nin sarong soberanong prinsipado, arin na baga, sarong emirado. An pambabaeng porma iyo an emira (أميرة amīrah), sarong cognate para sa "prinsesa." Bago an paggamit kaini bilang titulo na monarkiya, an terminong "emir" piggamit sa historiya tanganing mangahulugan nin "comandante," "heneral," o "namamayo" (halimbawa, si Amir al-Mu'min). Sa kontemporaryong gamit, an "emir" kun minsan ginagamit man bilang sarong honoraryo o pormal na titulo para sa pamayo kan sarong Islamiko, o Arabo (regrardless nin relihiyon) organisasyon o kahiroan.

An Qatar asin Kuwait sana an mga independienteng nasyon na nagpadanay kan titulong "emir" para sa saindang mga monarkiya. Sa dai pa sana nahahaloy na mga taon, an titulo luwayluway naribayan na nin "hade" kan mga kontemporaryong hereditaryong mga namamahala na nagmamawot na idoon an saindang sekular na autoridad sa irarom kan pamamahala kan ley. An sarong lataw na halimbawa iyo an sa Bahrain, na an monarkiya binago an saiyang titulo gikan sa emir pasiring sa hade kan 2002.^[1]

1. ↑ "Ruling Bahrain (Part I): The emir declares himself king". 14 March 2019. Archived from the original on 5 September 2022. Retrieved 5 September 2022.  Unknown parameter |url-status= ignored (help)