Empresario

Un empresario^[1] (u empresaria^[1] si ye muller) ye aquella persona u colla de personas que, de forma individual u colectiva, fixa os obchetivos y prene as decisions estratechicas sobres metas, os medios, l'administración y o control d'as empresas y asume a responsabilidat tanto comercial como legal debant de tercers.^[2] Se tracta d'a persona fisica u churidica, que con capacidat legal y d'un modo profesional combina capital y treballo con l'obchectivo de producir biens u servicios pa ofertar-los en o mercau, a fin de quitar-ne beneficios.

O termin por un regular s'aplica tanto a las altas capas de cherencia, os ditos directors executivos —por eixemplo Steve Jobs u Bill Gates— como a los miembros d'o consello d'administración u chunta de directors —por eixemplo: Sergio Marchionne u Ramón Aboitiz— u a bels accionistas (cheneralment «accionistas mayoritarios» u aquels que poseyen multiples inversions —por eixemplo: Warren Buffett y Ricardo Claro— y, cheneralment, a os propietarios d'empresas de cualsiquier grandaria).

Se puet sucherir que en o rol de l'empresario se troban tres funcions distintas: la de propietario, capitalista u financiero; la de cherent u administrador; y la de emprendedor u innovador, ye decir, que asume risgos.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (es) "Economía. 2 Bachillerato". Andrés Cabrera Bautista. Savia. SM. ISBN 9788467587128