Esfalcu

El esfalcu o malversación ye l'actu nel qu'unu o más individuos apodérense indebidamente de valores o fondos que-yos fueron confiaos en razón d'un cargu.^[1] Ye un tipu de fraude financieru. Puede referise tanto a caudales privaos (ente un emplegáu y el so patrón o ente socios de la mesma empresa) como públicos (llamáu desterciu patrimonial).

L'esfalcu ye una ofiensa estatutaria, polo que la definición d'esti crime varia d'estatutu a estatutu. Los sos elementos típicos son: (1) la conversión (2) fraudulenta (3) de la propiedá (4) d'otru (5) por una persona que tien posesión lícita d'ella.^[2] N'otres pallabres, ye un crime contra'l patrimoniu, esto ye, contra'l derechu del propietariu de controlar la disposición y usu de la propiedá.^[3] L'elementu de la conversión rique una interferencia sustancial nos verdaderos derechos de propiedá del dueñu (a diferencia del furtu).

1. ↑ «Desfalco | Embezzlement | Pennsylvania Criminal Lawyer» (inglés). Consultáu'l 30 de setiembre de 2016.
2. ↑ Singer & LaFond, Criminal Law, 4th ed., 2007, Aspen, p. 261.
3. ↑ Singer & LaFond, Criminal Law, Aspen, 1987, p. 213.