Fagaceae

Fagaceae
Clasificación científica
Reinu:	Plantae
División:	Magnoliophyta
Clas:	Magnoliopsida
Subclas:	Hamamelidae
Orde:	Fagales
Familia:	Fagaceae Dumortier, Anal. Fam. Pl., 11 (-12),1829, nom. cons.
Distribución
Xéneros
Castanea Mill. Castanopsis (D.Don) Spach Chrysolepis Hjelmq. Fagus L. Lithocarpus Blume Quercus L. Trigonobalanus Forman[1]
Sinonimia
Castaneaceae Brenner Quercaceae Martinov[2]
Consultes
Royal Botanic Gardens, Kew	Royal Botanic Gardens, Kew
World Flora Online	World Flora online
[editar datos en Wikidata]

Les fagacees (Fagaceae) son una familia d'arboles y arbustos encadarmada por 10 xéneros y alredor de 700 tribes, repartíes, principalmenti, nes estayes atemperiaes y caldies del Hermisferiu Norte. Esta familia ye la de la faya, la castañal y los robres.

Son plantes lleñoses, de fueya cadoca, de cutio endurecida, simples, enteres o dentaes o llobaes, n'arremangu alterno, con estípules que suelen cayer. Les flores son siempres unisesuales y ñacen, les masculines y femenines, so la mesma planta, les primeres dispónense en gatiellos o fuxones irguíos o colingantes, a vegaes,glomérulos. Tienen una envuelta de 4-6 sépalos y un númberu variable d'estames, que delles vegaes aporta hasta 20-40-90. Les flores femenines tan acorriaes por un garapiellu que tapez a 1-3 flores. Tienen una envuelta floral asemeya a les masculines, que falta de cutio, allugada so l'ovariu que porta 6-12 estames baterizos (estaminodios). El pestiellu encadármase por (2)3 ó 6 (7-12) fueyes carperales caldiaes cun mesmo númberu d'estilos. El frutu ye ensuchu, de cobierta correosa duna sola semiente que nun s'abre al madurar, embrión retu, carente d'endoesperma

Menos la castañal y otros xéneros esóticos, toles fagacies polinízanse pol vientu.

1. ↑ Fagaceae en Royal Kew Gardensp.p.
2. ↑ Fagaceae en Angiosperm Phylogeny Group Website (requier busca)