Farnavazianlar

Farnavazianlar
Vikianbarda əlaqəli mediafayllar

Farnavazianlar^[1] (gürc. ფარნავაზიანები) — e.ə. 299-cu ildən İberiyada hökm sürən bu adla tanınan bir neçə çar sülaləsi.^[2]

Birinci sülalə e.ə. 299-cu ildə Selevkilərin köməyi və hökmranlığı ilə hakimiyyətə gələn I Farnavaz (e.ə. 299–234) tərəfindən qurulmuşdur. İkinci sülalə (həmçinin, Nəmrudilər) e.ə. 159-cu ildə qurulmuşdur. I Mirianın Yervandilər və ya Mehranilər sülaləsindən gəldiyi ehtimal edilir. Mirian birinci sülalənin sonuncu çarı I Saurmaqın kürəkəni idi.^[2]

Üçüncü sülalə b.e. 1-ci ilində II Farnavazın nəvəsi çar I Farsman tərəfindən qurulmuşdur. 189-cu ildə Farnavazianlar sülaləsindən olan sonuncu İberiya çarı II Amazaspın bacısından Ermənistan kralı II Vağarşın oğlu I Rev öz əmisini devirmiş və bununla da Arşakilər sülaləsinin İberiya qolunu yaratmış, nəticədə sülalə hakimiyyətdən devrilmişdir.^[2]

1. ↑ FARNAVAZ // Azərbaycan Milli Ensiklopediyası (25 cilddə). 8-ci cild: Enollar – Fedin. Bakı: "Azərbaycan Milli Ensiklopediyası" Elmi Mərkəzi. 2018. 598 səh.
2. ↑ ^{1 2 3} Кирилл Туманов «Chronology of the Early Kings of Iberia», Traditio, Vol. 25 (1969), pp. 8-17. Издано: Fordham University