Flagge

s Wort Flaggä isch ä hochdytsch Lehnwort. Im Alemannische heisst des eigetli Fahnä, z. B. Schwizerfahnä.

Vo «Flaggä» redt me ender no bi de Schiff ufem Meer.

Die meischte Flaggä –oder ebe Fähne – sin normalerwiis rechteggig, aber nyt gwadratisch (bis uf die vo dr Schwiiz und vom Vatikan, die sin gwadratisch).

E Fahnä repräsentirt ä Gruppezuegherigkeit wi e Land (Staat), en Organisation odr en Verein. Uf em Tuech hets je noch Verein e anders Muschter oder Bild, wo ziimli indiwiduell isch. Die Symbol, wo druff sind, stönd au für öbbis, wo i indirektem odr direktem Zämähang zum Verein oder siner Gschicht stoht. Uf Länderfähne zeige meischtens diä verwendete Farbe öpis vom Land sinere Gschicht.