Forpardono

Forpardono estas pardono de krimo kaj nuligo de la koncerna puno; ĝi kutime estas rajto de ŝtatestro (kiaj reĝo aŭ prezidento) aŭ fare de dokumento eldonita de parlamento aŭ religia aŭtoritato. Indulgo estas simila termino, kiu signifas malpliigon de krimopuno (eĉ entute) sen forgeso de la krimo mem. Ĝi estas ĝenerala koncepto kiu enhavas kelkajn rilatajn procedurojn: pardono, punkomuto, kaj aliaj. Punkomuto konsistas je malpliigo de verdikto, ĉefe pri enprizonado sen pardono de la krimo.

Amnestio estas ankaŭ pardono de krimo sed kun forgeso de la krimo mem. Do, tio estas pli alta ŝtupo ol forpardono.