Frega

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A frega^[1][2] u fresa^[3] (de <FRICTA*, superlativo d'o latín <FRICĀRE,^[4] «fregar-se») ye, en bel animal acuatico y especialment en os anfibios y os peixes, l'acción de librar os uevos y o esperma en l'ambient pa que se produzca la suya fecundación de forma externa. L'acción de fer a frega u fresa se diz fregar^[2] u fresar.^[3][5]

Como toz os procedimientos reproductivos d'os animals, a frega va precedida d'una parada nupcial, a tría d'un puesto pa fregar y a construcción d'un niedo en bella especie, que puet tener estructuras muit diversas en función de l'animal.

O exito en a frega requiere que se sincronice as accions d'a fembra y o masclo, por o cual muitas vegadas fa parte (u en ye a continación) d'a mesma danza y ritual d'aparellamiento propio d'a especie.

1. ↑ Severino Pallaruelo emplega ista palabra en (an) PALLARUELO, Severino, O trasgresor piadoso. Xordica Editorial. Zaragoza, 2010. ISBN 978-84-96457-50-8
2. ↑ ^{2,0 2,1} (es) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón); Institución «Fernando el Católico» + Diputación Provincial de Zaragoza + Gara d'Edizions (Ed. Facsímil). Zaragoza, 2002. ISBN 84-8094-101-4
3. ↑ ^{3,0 3,1} (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara Edizions. Zaragoza, 2008. ISBN 978-84-8094-061-0 p 304.
4. ↑ (es) Freza en a edición en linia d'o Diccionario de la Lengua española. Consultau o 14 d'agosto de 2018.
5. ↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978, pp 203-204.