Fumo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O fumo^[1] (d'o latín <FUMUS) ye una suspensión en l'aire de chicotas particlas solidas que resultan d'a combustión d'un material u combustible. Son por un regular cenisas u repuis d'o material en combustión, a vegatas no rematato de cremar, que por l'acción d'o suyo peso y un minimo de circulación d'aire fan que iste se desplace de traza visible y aeria.

Ye un subproducto, en un 99% d'as vegatas, no deseyato d'a combustión y puet veyer-se en incendios como cheras, brasas, motors de benzina y gasolio, y en si combustión material. Cuan una combustión ye correcta y plena, os solos subproductos que quedan son augua, dioxido de carbonio y compuestos de diferents elementos.

A inhalación d'o fumo ye a primera causa de muerte en as victimas d'os incendios debito a que mata por intoxicación por os suyos componentes toxicos, como o monoxido de carbonio, HCN acido cianhidrico y as chicotas particlas solidas que atancan os alveolos pulmonars y asfixian a la victima, amás d'impedir o consumo d'oxichén ya que si inhalamos un volumen d'aire pleno de fumo, o porcentache d'oxichén ye menor a o 0,5%. O fumo tamién puet contener cuantas particlas carcinochenas, y provocar cáncer dimpués d'un tiempo.

1. ↑ (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.31