Gamasot

Gamasot (가마솟) ya iku jinis panci masak kang dhapuré kaya pot.^[1] Gamasot digawé saka wesi.^[1] Panci iki digunakaké karo masarakat Koréa.^[1] Gamasot uga diarani gama.^[1] Gamasot nduwéni ukuran kang gedhé lan jero. Gamasot lumrahé minangka masak panganan kang cacahé akèh kanggo kabèh anggota kulawarga.^[1] Panci iki nduwéni wujud kang bunder lan ana papat cekelan ing saubengé.^[1] Cekelan iki gunané kanggo nggampangaké nalika diangkat.^[1] Ing omah tradhisional Koréa, geni kang digunakaké ya iku prapén kanthi modhél konvensional.^[1] Gamasot digawé mirunggan supaya pas karo tungku iki.^[1] Gamasot bisa nyaluraké panas.^[1] Panas kang disaluraké ora langsung rikat nanging sithik mbaka sithik nanging bisa njaga panganan supaya tetep anget lan banyu kang dimasak luwih awét anget.^[1] Gamasot uga diarani pot kang kanggo masak.^[1] Pot kang kanggo masak iki digunakaké ing jaman purba ya iku luwih dhisik saka jaman Tiga Karajan Koréa (57 SM – 668M).^[1] Artefak gamasot tinemu ing kuburan-kuburan kuna lan digambar ing lukisan-lukisan kang ana ing témbok kuburan iku.^[1] Gamasot lumrahé ditumpangké ing sandhuwuré tungku gedhé kang dimasak nganggo geni ing ngisoré.^[2] Gamasot kalebu piranti masak tradhisional ing Koréa.^[2] Gamasot uga kalebu piranti masak kang tuwa umuré.^[2] Nanging saiki nagara Koréa wis bisa nggawé piranti masak kanthi bahan aluminium kaya ta teflon, wajan, cithakan bolu kang dhapuré warna-warna.^[2] Gamasot digawé saka cor saéngga abot nalika diangkat.^[2] Cor iki bisa nyaluraké panas saka pawon utawa tungku kang uga digawé saka cor.^[2] Cor iku bahan kang digawé saka semèn lan campuran liyané.^[2] Saiki gamasot minangka jeneng restoran-restoran èlit ing Koréa.^[2]

1. ↑ ^{a b c d e f g h i j k l m n} [An Illustrated Guide to Korean Culture. 2002. Seoul:Hakgojae Publishing Co.isbn= 89-8546-98-1. halaman=192]
2. ↑ ^{a b c d e f g h} washingtonpost.com(dipunundhuh tanggal 1 Juli 2011)