Gara

Ta atros usos se veiga gara (desambigación).

Una gara^[1] (de l'occitán gara) u estación^[1] (d'o latín statio) ye o punto d'acceso de viachers y marchandisas a o ferrocarril u l'autobús. A sobén incluyen instalacions adicionals pa a chestión d'as operacions ferroviarias u d'os autobuses y atros servicios tecnicos u comercials asinas como instalacions d'operacions ferroviarias, almagacens u tallers.

Encara que i hai garas mixtas, modernament se gosan deseparar as garas de pasachers d'as garas de marchandisas. Cuan apareixioron os contenedors, o tractamiento de paquez minguó ascape y se transferió a o transporte por cambión. Muitas garas de marchandisas desapareixioron y o tractamiento de contenedors se desplazó dende os centros urbans enta as zonas industrials.^[2]

Cuan se tracta de transporte de personas, se diferencia d'o simple baixadero en o que no i hai dengún atro servicio. Aintro d'una gara de ferrocarril i son as andanas por a on pasan os viachers y as vías por a on pasan os trens. En as garas d'autobuses i hai puestos a on aparcan os autobuses pa recullir a os pasachers.

1. ↑ ^{1,0 1,1} (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
2. ↑ (de) Größte Güterbahnhöfe & Zukunft hat der Schienengüterverkehrs. Dörte Neitzel. Technik und Einkauf, 24 de chinero 2024