Gleichung

Under ere Gliichig verstoot mä in dr Mathematik en Ussaag drüber, öb zwäi Term gliich sige. Die Gliichhäit wird mit Hilf vom Gliichhäitszäiche („=“) sümbolisiert. Formal het e Gliichig d Form

${\displaystyle T_{1}=T_{2}}$,

wo men em Term ${\displaystyle T_{1}}$ die linggi Site und em Term ${\displaystyle T_{2}}$ die rächti Site vo dr Gliichig säit. Gliichige si äntwääder woor beziejigswiis erfüllt (zum Bischbil ${\displaystyle 1=1}$) oder falsch (zum Bischbil ${\displaystyle 1=2}$). Wenn wenigstens äine vo de Term ${\displaystyle T_{1},T_{2}}$ vo Wariable abhängig isch, isch das nume e Form von ere Ussaag; öb d Gliichig woor oder falsch isch, hängt denn vo de konkrete iigsetzte Wärt ab. D Wärt vo de Wariable, wo für sä d Gliichig erfüllt isch, häisse Lösige vo dr Gliichig. Wenn zwäi oder mee Gliichige aagee si, schwätzt mä au vom ene Gliichigssüsteem, und e Löösig vom Süsteem muess e Löösig für alli Gliichige gliichzitig si.

1. ↑ Robert Recorde, The Whetstone of Witte, London 1557, p. 238